உயிரின் சுவாசம் !

உயிரின் சுவாசம் அறியாது உன் மேனி வாசம் புரியாது - என் உணர்வுகள் இங்கு இறந்துவிடும் காதல் அங்கு பிறந்துவிடும் காதல் இங்கு தொடங்கிவிடும் மனம் என்றும் தொடர் சடுகுடு விளையாடும் மோதல் இங்கே முடிந்துவிடும் - உயிரின் மோட்சம் இங்கே தொடங்கிவிடும். தூக்கம் ஏனோ தொலைந்துவிடும் துயரம் மட்டும் தொடர்ந்துவிடும். ஆற்றல் இங்கே சிதைந்துவிடும் ஆண்மை இங்கே அடங்கிவிடும் உயிரும் ஒரு நாள் ஓய்ந்துவிடும் திருநாள் வந்த ஒரு தலைக் காதல் பிரிந்துவிடும்..,

முத்ததின் ஈரம்

இட்ட முத்ததின் ஈரம் உலர்வதற்குள், தொட்ட விரலின் ஸ்பரிசம் உணர்வதற்குள், பேசும் விழியின் அர்த்தம் புரிவதற்குள், படரும் தேகம் தேடல் தெரிவதற்குள், பற்றும் கரங்கள் நேசம் கட்டுவதற்குள் கலைந்து போகிறது,இந்த பாழாய் போன கனவு.

கல்லூரி காதலியே.,

வெற்றுத்தாளாய் நானிருந்தேன் எண்ணங்கள் போலவே வண்ணங்களோடு விளையாடினாய். துரிகைகளை இன்று தொலைத்துவிட்டேன். எந்த வண்ணம் எந்த துரிகையோடது? வண்ணங்களும் தொய்ந்துகொண்டிருக்கின்றன., உனக்கு தெரியும் . உன் மடி மீது சாயாத நாட்கள் என் தூக்கத்தை இழந்திருப்பேன். என் தூக்கம் இனி எங்கு செல்லும்? பெண்கள் பல நீ அறிமுகம் செய்தாய். கண்களின் கனவாய் கலைந்துவிட்டனர். உன்னோடு நிரம்ப கிறுக்கியிருக்கேன். உணர்கிறேன் இன்று உனக்குமட்டுமில்லையென்று.,! ஆறுதல் தேடி நான் அலைந்துகொண்டிருக்கிறேன். மதிய வெயிலில் இளைப்பாறிய காட்டு முட்புதர்., பஞ்சு மெத்தையும் இனி பாரமாய் என் எதிர்., அடிக்கடி எழுதுய Apology., அறியவில்லை யாரும் என் psychology நீ ஒருத்தி மட்டுந்தான்., கொண்டாட்டங்களை பகிர்ந்து கொண்ட Canteen Slice., சோகங்களை சொல்லி யழுத அரசன் Wines., "இவன்கிட்ட பார்த்து இருங்க" புதிய HOD'யை அறிமுகபடுத்திய பழைய வ[ா]த்தியார்., பரிட்சைக்கு பணமின்றி பார்வை திருப்பிய போது பறிதவித்து கட்டிய பசுங்கயல்., பாடம் ஆனது பொயில்., பிட்டுத் தாளை கட்டாய் கொடுத்த முதல்வர் - அதையும் விட்டு விலகிய வெறுமை Arrear'ய் இன்னமும் DBMS.., வளைவு களை வரையச் சொல்லியதில் பெண்களின் சுழிவுகளை வரைந்த Drawing Hall., பெண்கள் விடுதிக்குள் நான் அடித்த Laser Torch., என்னிடமே அதுயாரென்று கேட்ட கலைArch., மயங்கிக் கொண்டாடிய ஆண்டு விழா இரவு., பாடிக் களாய்த்த மேடைப் பாட்டு.., அரண்டு போகச் செய்த அறை நண்பன் மரணம்., அதற்கும் ஆறுதல் தந்த உன் சரணம்., தோல்வியை எதிர்பார்த்து அழுகையில் தோழி சொன்ன ஆறுதல்., தோழியின் தோல்விக்கு நான் சொன்ன ஆறுதல்., என் வெற்றியின் சில தோல்விகள்., அப்பா வந்த நாளில் தப்பாமல் தந்த Beer., தோழிக்கு., மழைத்த பொழுதெல்லாம் அழைத்து குளித்த மொட்டை மாடிக் குளியல்., தூங்கும் முன் நேரம் பார்த்து உச் கொட்டிய காலை 6 மணி., மதுரை வந்தும் மல்லி மறந்தவனை தோழியடித்த மலர்க்கோபம்., திருடன் வந்த சாக்கில் எட்டிப் பார்த்த பெண்கள் விடுதி., கருடனாய் நான் வேண்டி அதன் கண்கள்., காதலின் Token'ஐ கடித்த Coffee-Day., அதையும் கடனுக்கு கொடுத்த Hi-Way., இடிந்த விடுதியில் நண்பன் கொண்ட காதல்., நானிருந்த காவல்., எங்களுக்கு விழுந்த நோதல்., கை தொடுகையில் அவள் கோபம்., பின்னொரு நாள் என் காதில் நுழைந்த சேலைநூல்., கண்ணில் தழுவிய சோலை புல்., எழுதிய என் காதல் கடிதங்கள் எனக்காய் திருத்திய HOD., கொண்ட தோர்கதிருற்காய்., வேண்டிய பிராத்தனை.., இன்னும் எத்தனை.எத்தனை., என் கல்லுரியே., - நீ என் காதலியே..,

வீசும் வாசம்,தேவதையின் கூந்தல்

தொலைந்து போன தேவதையின் கலைந்து சென்ற கூந்தலின் மறந்து போன மலரின் வாசம் மட்டும் வீசும் வருடம் பல கடந்தும்.,

தொகுப்பு:நீ-ஒரு-கவிதை தலைப்பு:கடைசி புன்னகை

உண்மை தான்! ஒரு நல்ல கவிதை, உன் போலவே அரிதாகி விட்டது., வாசிப்பதும் யோசிப்பதும் யாசிப்பதும் - ஏன் முயற்சிப்பதும் தான்., முற்றுப்புள்ளி யின்றி தொடரவே யாசை முடிந்துவிட்ட அந்த கடைசி வரியில்., குறுகிய அத்தருணத்தில் நிறைகள்,குறைகள் நீடித்திருக்கலாம்-ஆயினும் குறுகச் சொல்லவில்லை., புசித்தால் பசிக்கும் சுவையின் தாபமிது. முடியும் பயமின்றி தொடரும் என்பயணம்., ., ., ., விடைபெறு முன் விம்மிச் சிரிக்கும் கடைசிக் காட்சிகள் உனக்கும் போலவே.,

இனிமையான வெறுமைகள்!

வீசி வரும் தென்றல் உன்னில் உதிர்த்துவிட்டு செல்லும் சூடுமலர் - என்னில் கோர்த்துக்கொள்ளமுடிவதில்லை., பரவசப்பட்டு நீ எங்கோ ஓடுகையில் தெறித்து சிதறிய கொழுசின் மணி தேட முடிவதில்லை., எப்பொழுதாவது சிக்கிக் கொள்ளும் நீளக் கூந்தலை நீ விடுவிக்கையில் விடுதலையாகும் ஒற்றைமுடியை என்னோடு ஒட்டிக்கொள்ளமுடிவதில்லை., பயணப் படுகையில் பள்ளிக்கு கூட்ட நெரிசலின் இடையில் படியில் நின்று,ஒரு பயணச்சீட்டு - உன்னில் கேட்டுப்பெற முடிவதில்லை., மின்னல் சிந்தனைகளில் நீ அறியாது செய்கையில் தெரியாது உடைந்து விழும் கண்ணாடி வளையலில் என் முகம் இரசிக்க முடிவதில்லை., கடந்து சென்றபின் - நீ நடந்து விட்டுச் சென்ற பாத சுவட்டில் என் கால்கள் சிக்கிக் கொள்ள முடிவதில்லை., பேசிக்கொண்டிருக்கையில் அனிச்சையாய் கரத்தில் ஒட்டிய பொட்டை என் சுவர் தேவதையின் நெற்றியில் அழகு பார்க்கமுடிவதில்லை., மறதியோடு நீ கொடுத்து விட்டுச் சென்ற வெள்ளை நிற கைக்குட்டையில் ஒளிந்திருக்கும் உன் வாசம் நான் கொள்ள முடிவதில்லை., ******* ******* ******* இனிமையாய் தானிருக்கிறது இந்த வெறுமைகளும் உன்னில் என்பதால் மட்டும்!

நீளக் கூந்தல் தேவையில்லை

உன்னோடு உரையாடிய அந்த நடுச்சாமம் எனக்கு விடியவேயில்லை நீ உசுப்பிவிட்ட அந்த ஞாயிறு இன்னமும் சாயவில்லை;எனக்கு, என் மேஜை நாட்காட்டி மட்டும் ஏனோ ,பொய்யுரைக்கிறது, தினமும்., நம்மோடு நடமாடிய நக்ஷ்த்திரங்கள் பகலிலும் இப்பொழுது புலப்படுகிறது., நீ பரிமாறிய மீன் வறுவலின் கைம்மணம் என்றென்றும் கற்பனையில்., நீளக் கூந்தல் எனக்கு தேவையில்லை - அது நீயா யிருக்கும் பட்ஷத்தில்., நீ கிசுகிசுத்த என் காதல் இன்னமும் காதில்., நீ சுவாசித்த தென்றல் பத்திராய் என் நெஞ்சினுள்., உன்னையும்,என்னையும் தழுவிய நிலவின் குளிர் ஸ்பரிசம் விலகவேயில்லை;அப்படியே., மலர்கள் மலர்ந்தால் மட்டும்., நீ யிருக்கையில் எனக்கு நீருக்குள் தாகமோ?

இப்பொழுதெல்லாம்-கவிதை-எழுதுவதில்லை

இப்பொழுதெல்லாம் நான் கவிதை எழுதுவதில்லை., அவற்றை இரசிப்பதற்கு அருகில் நீ இல்லாததால்., நீ இடையில் சொருகிய சீனத்து விசிறியாய் என் மனஞ் சுருங்கி விட்டது., பயனில்லாது கிடக்கிறேன், பார்., வெட்டு முன் னறியாத நகத்தின் அருமையென உன் முகம் பிரிந்து தவிக்கிறேன்., என் நகம் இப்பொழுது வளர்ந்து விட்டது நீ மட்டும் அப்படியே., செய்து விளையாடிய கப்பல் கவிழ்ந்து கிடக்கிறது., எழுதி இரசித்த கவிதை கசங்கி யுள்ளது., என்னவோ புலப்படவே யில்லை., உன்னை பார்க்கையில் மட்டும் கன்னத்தில் அறையப்படும் வஞ்சப் புன்னகை., உன்னை நேசிப்பதனால் சொல்கிறேன், நீ திருப்பிதராத என் புன்னகை ஒவ்வொன்றும் பரண் மேல் பாரமாய் யெனை அழுத்துகின்றன., என்னவோ., - இன்னும் என்னென்னவோ., எஞ்சிய கவிதையாய் தொலைந்துகொண்டிருக்கிறது., மிஞ்சிய நம் உறவு.,

சாலையோரம்.,

வெட்டப்பட்ட மரத்தின் கொல்லப்பட்ட குஞ்சுகளுக்கான கொத்தப்பட்ட இரைகளுடன் கத்திக் கீறிச்சிடும் தாயின் கடைசி செய்தி என்னவோ ?

தொகுப்பு:நீ-ஒரு-கவிதை தலைப்பு:கவிதை பழகு தோழீ

இப்பொழுதெல்லாம் நீ எப்பொழுதாவது தான் ஞாபகத்திற்கு வருகிறாய்… எப்பொழுதெல்லாம் வருகிறாயோ, அப்போழுதெல்லாம் அறைகிறாய். வலிக்கின்றது… வந்த கணம் தெரிகிறது , சென்ற கணம் புரிவதில்லை ஏன்? இந்த கனவுகள் என்று தொலையும்? இந்த கணங்கள் எப்படி கலையும்? உன்னிடம் நான் எதையும் பெற்றுக் கொள்ளவில்லை… பொத்திப்பார்க்க, நீ மட்டும் ஏன்? என்னையும்,எழுத்தையும்,? எழுதிப்பார்க்கவா…? எழுது தோழீ., சில கவிதைகள் பழகு.,

தொகுப்பு:நீ-ஒரு-கவிதை தலைப்பு:காத்திருக்கிறேன்

வார்தைகளை நான் கிறுக்கிய காலம் போய் வார்தைகள் எனை கிறுக்குகின்றன ,இன்று., காலச் சக்கரத்தில்சிக்கிக்கொண்டது என் மரபு,புதுக்கவிதை நீ புலனாய்., உன் போலவே எல்லையில்லை, தோட்டத்து முல்லையினும் காட்டுக் கொடிகள் காட்சியன்றோ…? என் விரல்களை ஒடிக்கின்றன, வரிகள்,வலியில்லை. வரிகளை பிரியமட்டும்… என் எழுத்துக்கள்,என் வரி என் வரிகள்,என் கவிதை என் கவிதை எனதில்லை என்ன செய்வேன்? அய்யகோ… காத்திருக்கிறேன், ஒரு நாள் கவிதை இப்படி கிறுக்கும்., எப்படி இருக்கிறாய்,நீ…?

இழக்காத பிரிவு

இரவு , நிலவு தென்றல் , மன்றம் தேநீர் , குவளை விழிகள் , மவுனம் இல்லாத நீ,நான் இழக்காத பிரிவு.., நீ இருந்திருந்தால் பிரிந்துவிடுவாய் எனும் பயம் நீ இல்லாவிடத்து எனக்கில்லை தோழீ.,

மனச் சிதறல்

மதிய உணவு வேளையில் - உன் மடியில் படர்ந்த மஞ்சள் கைக்குட்டையில் உதட்டு நீர் வழிந்து தெரிக்கையில் சிதறிவிடுகிறது என் மனமும்..,

காதல் இசை

ஒரு மெல்லிய இசை நம்மிடையே கசிந்து கொண்டே இருக்கிறது.., உன் மவுனம் உன் ரசனையின் சாட்சியாகிறது.., வரிகள் இல்லாத இசை உன் மவுனமாகின்றது. நம் உறவின் புது மொழி, கசிகின்ற இசை., விடைபெறு மட்டும் இசை தனது முடிவை தொடங்குகிறது.., வியப்பித்திருக்கும் இந்த மவுனம் நம் இருவரின் உரையாடல்கள்., (எனக்கு தெரியும் - இது ) கணம் எங்கோ அந்த கீதம் இசைந்துகொண்டிருக்குமென.,

காக்கையின் சாஸ்திரம்

ஐயரின் வீட்டு வேம்பில் குஞ்சுக்கு மீனின் கண்னை கொத்திக்கொடுக்கும் காக்கையரியாது சாஸ்திரம்

உன் கண்களின் ரகசியம்

ஆற்றில் நீ குளித்துக் கொண்டிருந்தாய்., மீன்கள் இரண்டு உன்னிடத்தில் ஒட்டிக்கொண்டன.., இன்னமும் அவை துள்ளிக்கொண்டு.., பயந்து விடாதே.., உன் கண்களின் ரகசியம்., நான் யாரிடமும் சொல்லமாட்டேன்

மஞ்சள் நீர்

• அவன் என் அத்தை மகன் - ஆயினும் அழைப்பதற்க்கில்லை ஆசையுடன் ஓர் வார்த்தை.., • பள்ளி காலங்களில் கண்மாய் கண்டோம்., கைகள் மாறினோம்., காதல் கொண்டோமா ? - இல் • வருவான் ,தருவான், பெறுவான் , மறைவான்., வைகறை காமம்., இது விடியும் வரை தான்., • வருடம் முறை வரும், திருநாள் தினம் வருமோ ? பருவம் உயிர் வரும்., பாவம் இவள் கை மஞ்சள் நீர் .,

வேசியின் குங்குமம்

கூடல் முடிந்து வருகையில் நெருடலாய்.., வேசியின் சிதைந்த நெற்றிக்குங்குமம் !

முதிர் கன்னி

என்ன தான் தாவணியிட்டு
மூடி மறைத்தாலும்
முடிவதில்லை…

அதுவே காட்டிக் கொடுத்துக்
கொக்களித்து சிரிக்கும்
கூடிக் கொண்டிருக்கும்

இவள் வயதை….

புதுப்பெண்

புதுப்பெண் புருஷனை கைகோர்த்த புதுப்பெண் திரும்பும் மட்டும் வேண்டிக்கிறேன் - அது, நீயாய் இருக்கக்கூடாதென..,