சுற்றம் என்று சூழும் ?

குச்சு கட்டியவன் ஒருவன் கண் வச்சு காத்தவன் மருவன் - கை பிடிச்சு வந்தவன் இவனே வெண் பிச்சி கொண்டு வருவானோ? வெட்கம் வந்த நேரம் - என் பக்கம் கூற மறந்தாள் - புது சொர்க்கம் கண்ட பின்னும் இவள் தர்க்கம் இனி எங்கு வெல்லும்? குத்தும் என மழித்தான் குத்தம் என மறுத்தாள்., பத்தும் மிவள் மறக்கவேண்டும்., சுற்றம் என்று சூழுமோ? புன்னை யாக்கி விட்டாள் என்னை தன்னை மறக்கும் தமக்கை. பின்னும் ஊறும் தமிழ்., ஆதவன் கன்னி கூட ஆகும் எட்டு திங்கள்., [தமக்கைக்கு.,] மு.கேசவன் 2008-12-31

பொங்கல்

பால்காரனையும் பேப்பர்காரனையும் திட்டியபடி விரட்டிக்கொண்டே நைட்டியரின் கட்டை இடுக்கில் கலர்கலராய் புலர்ந்தது,இந்த பொங்கல். LPG gas'ன் Pressure குக்கரில் கொதித்துக் கொண்டிருந்தது. கதிரவனின் தீட்டுக்குள் , Apartment மூலையில் Boostடோடு இந்த சர்க்கரைப் பொங்கல். குளத்தாங்கரையில் குதிக்கவில்லை, ஆற்றுக்குள் சைக்கிள் சுத்தவில்லை, நாலடி பாத்ரூமின் சுவரின் வெண்ணீர்க் குளியலில் நான் பனங் கொழுக்கட்டையில்லை குழி பனியாரமில்லை - பரவாயில்லை Bakery Cake சுவைதான். மாந்தோப்பில்லை, ஆவாரம்பூவில்லை வாழைத்தோட்டம் போகவில்லை, - அட வயற்காடே பார்க்கவில்லை - அதற்குள் பொங்கிவிட்டது, எங்கள் பொங்கல்., உங்களோடு பொங்கல் - மிரட்டியது எங்கள் தொ(ல்)லைக்காட்சி. "கண்களோடு காதல்" - மும்பை கதாநாயகி 'கரும்பு'கிறார். பட்டணத்து சென்னையட இது. பொட்டி முன் பொங்கலிடும். வெட்டவெளி கண்டதில்லை - மாரில் கோட்டுசூட்டு பூட்டும் கொள்கைதான் என்னட? பட்டியால குர்தா தேடும் இவள் பட்டியலில் இல்லையோ தாவணி? ஒட்டுபொட்டு வடிவம் கண்டு சட்டிமுட்டாது இந்த தைப்பொங்கல்., வண்ணத்து கோலம் நடுவில் எண்ணத்து பூசணி மலர்வாள். கிண்ணத்து மஞ்சள் எடுத்து என்னைத் தோடுவார் இங்கு யாரோ?

சரி, நாம் கிளம்புவோம்

மலர்ந்த வெண்முல்லையோ ? பாறையை பிளந்த கார் பனித்துளியோ? அச்சு கரிந்த கயல் விழியோ ? - ஆங்கு பணிந்த யான் , சிறு பரியோ? சிவந்த இதழ் உனதோ ? - அதை சிவக்க செய்தது எனத ன்றோ? பரந்த மார் எனதோ ?- அதில் படர்ந்த கொடி நீ யன்றோ? புடவை எது எனக்கு அழகென்கிறாய் புடவை எல்லாம் அழகை மறைக்குமென உண்மையை நான் உளறினால் உனக்கேன் வரும் பொய்க்கோபம்? கட்டுபுத்தகம் மொத்தம் - என் மேல் கொட்டி கொண்டு சிரிக்கிறாய் -பாவம் தட்டு தடுமாறி வீழ்வேன் - உன்மேல் விட்டு விலகி விளையாடாதே., நீ பேச ஆரம்பித்த முதற்சொல்- "சரி, நாம் கிளம்புவோம்" அழகான பொய்யது. நாழி கழிந்தது, நாளும் கழிந்தது, நாம் மாறவில்லை. மீண்டும் பொய்க்கிறாய் "சரி, நாம் கிளம்புவோம்" மு.கேசவன் 2009-01-[16…23]

மல்லபுரத்து உரையாடல்.,

வெயில் உரைப்பதில்லை., தேகம் கருப்பதில்லை., தாகம் தவிக்கவில்லை., உன்னோடு உரையாடிய மல்லபுரத்து மணல்., மு.கேசவன் 2008-12-30

திங்கள் சூடும் மல்லி

கொங்கையை கொண்டாடுபவன் நானோ? கங்கையென ஊறும் காமமிது நங்கை நின் பால் - நான் திங்கள் சூடும் மல்லி தற்று.

ஆறாம் விரல்

ஆறாம் விரல் இருந்திருந்தால் நன்றாயிருக்கும் நேற்று நான் வாங்கிய முத்தத்தில் ஒன்று கூடியிருக்கும் மு.கேசவன் 2008-08-11

விரல் மீட்டிய காதல் ராகம்

எனக்குள் இருந்த வீணை நேற்று மீட்டெடுக்கப்பட்டது. உன் மடியமர்ந்த புது வீணை நான். காதல் ராகம் - நீ வாசிக்கிறாய். உன் விரல் மீட்டிய காதல் ராகம் உன் உதடு பதித்த ஈரத்தை உலர்த்திவிட்டு செல்கிறது . எங்கோ.,?

வழிசொல்வாய் நிதம்.

கட்டிவிட கேட்கிறது உன் கண்கள் கலைத்துவிட துடிக்கிறது என் கைகள் கட்டில் விலகாத இந்த காலை - என் கனவுகளை களவும் உன் சேலை., பசியென அழும் சிறுமழலை - நான் புசியென சொல்லாது பொய்யுரைக்கும் பெண்மை நீ தட்டுச்சோற்றில் தடுமாறும் தாபம் - உன் பட்டுவிரல் கடித்து பசியாரும். விடைபெறு மட்டும் வேண்டிநிற்கும் கடைசிபடி உன் காதல் முத்ததிற்கு. கண்ணத்து காதலெல்லாம் காட்சிமாறும் - அது வண்ணத்து பூச்சி கண்டு வழிமாறும். மறந்துவிட்டு சென்றிருப்பேன் மதிய உணவை தெரிந்தெடுத்து காத்திருப்பாய் கதவோரம். வாரியணைத்து கட்டிக்கொள்வேன் - வந்து வாசற்கதவில் வழிசொல்வாய் நிதம். மு.கேசவன் 2008-12-25 20:41

என்னதான் பேசுவார்களோ ?

நான் எறியதிலிருந்து என் முன் ஒரு ஜோடி., பேசிக்கொண்டே இருக்கிறார்கள்., என்னதான் பேசுவார்களோ., கல்லூரியா யிருக்கும்., - இல் காதலாகவு மிருக்கும். அவன் தோள் சாயவில்லை., அவள் கூந்தல் கோதவில்லை., என்ன ஜோடி இவர்கள்., புகைச்சல் தான் எனக்கு.,ஏன் புரியவில்லை அவர்கட்கு? கொஞ்சல் பேச்சும், குறும்பு புன்னகையும்., அடுத்த நிலையம் என் முறை., இன்னமும் பேசிக்கொண்டே ., ஒரு கேள்வி என்னிடம் மிச்சம்., எதற்கிந்த நெருக்கமான பயணம்? அவரவர் கை பேசியில் யவருடனோ., ஒருமணி நேரம் வீணாய்?

ஒரு தேவதையின் கண்ணீர்

என் முன் ஒரு தேவதை அழுவதற்கு ஆயத்தமாகிறாள் அழகை இரசிப்பதற்கு நானும். இளம்தேவதைகள் என்றும் அழகு. இவள் இன்னமும். சிரிப்பதற்கு சொல்லாத காரணம் அழுவதற்கு என்ன தேடுவாள்? சுயநலம் கொண்ட என் கைக்குட்டை அவள் கண்ணீருக்கென காத்திருக்கும். வழிந்தோடும் கண்ணீரில் அவள் பெண்மை கொஞ்சி மிளிரும். சிரிக்கும் என் உதடு கண்டு பெண் சிணுங்கல் விம்மிப் பெருகும்., சிந்தும் கண்ணீரை - என் கைக்குட்டை சிறைகொண்டு உள்ளங்கையில் துள்ளும்! மு.கேசவன் 2008-09-25

குமிழ் மட்டும் காமம்

நீர் சூழ்ந்த குமிழென ஆசைகள் சூழ்ந்த காதலில் நான் மிதந்து வந்தேன். உனக்கென கொண்டுவருகிறென், கணக்கென கூடாத கட்டிலடங்கா காமங்கள், பொத்திக்கொண்டு. மட்டத்தின் மத்தியில் பட்டென தெறித்துவிடும் இந்த குமிழ். காற்றோடு கரையும் - என் வாசங்கள், - நீ இல்லை சுவாசிப்பதற்கு. திசைகள் தேடியலையும் - இந்த களவுகள் என் கட்டி லில்லை. குமிழ் மட்டும் காமம், - குங்குமச் சிமிழ் மாறும் தருணம் - இந்த காதல் மூழ்கிவிடும்.

துளித்துவிட்ட மேகம்

இவள் என் தேவதை. எனினும், துளித்துவிட்ட மேகம். விரும்பிய நிலம் சேரும் நீர் அல்லாள். சேரும் நிலம் நிறம் மாறும் விதி இவள்தற்று. வெட்கம் கொண்ட பெட்டையென, கண்ணீர் சிந்தும் மழையில் நான் நனைகிறேன்

நுணி மேலொரு பனி

விதவையாய் போய்விட்ட - என் வெற்றுப்பக்கங்களை வரிகள் கிறுக்கி வளம் சேர்த்துவிட்டாள் மழைத்த காலையின் முளைத்த காளானென உள்ளத்தின் காமம் நட்டுவிட்டு போகிறாள் பட்டுப்போன மரத்தின் பொத்திவைத்த மொட்டுக்கான -நீர் இட்டு காமம் வளர்க்கிறாள் துளிர்க்கும் பச்சையென பரவும் இச்சையுது. காமத்தின் முத்தமென நுணி மேலொரு பனி.

பொய்யுரைக்கும் தோழி

தொலைந்து விட்ட உன் கடிகாரத்தின் நேரத்தில் என் காலத்தின் சுழற்சி நின்றுவிட்டது அழைத்துபேசிய மணியேசையில் ஒளித்து விட்டு வைத்துபோகிறாள். யாழையும்,குழலையும். நிழலென ஒதுங்கிய மரத்தின், அலரென மலரென உதிர்க்கிறாள். சுழற்சியின் இளைப்பாறுதல் இவள். வளை கொண்ட கரம் கலை மறந்த தென்ன? "தலைவன் வருவா னென". பொய்யுரைக்கும் தோழிகூற்று நதியுறுஞ்சும் பாலையின் காமத்தின் அனல்.

தொகுப்பு:சதி நீ தோழி :: தலைப்பு:கடல் கரைவோம் வா!

நதியோடு நாணல் கொண்ட உறவு உன்னோடு தோழி நான்., மழைத்துளியின் வெள்ளமென உன்னை இழுத்துக்கொண்டு நான், அப்படியே நிற்கிறாய் நீ., ஓடும் பாதையாவும் பல நாணல் சேர்த்துக்கொள்வேன் நிற்கும் நாணல் உன்மேல் மணல் வாரித்தூரிச்செல்வேன் நாணல் பல கண்டேன் உன் போல் ஒன்று இல்லை தோழி கானல் நீரும் நீதான் கண்டு கொண்டேன், வாழி. ஓடும் நதி நான். உன்னை தொலைத்துவிட்டேன் தோழி. தேடும் விழிகள் உனக்கு தெரிந்தும் கடந்தேன் நான். நதியென பிறந்துவிட்டேன்-நீ நாணலென நிற்பதற்கில்லை சதிகள் செய்யும் விதிகள் இது. கதி யறியேன் சேடி. கடல் கரைந்துவிட்டேன் என் கண்ணின் நீர் அறிவார் யார்? சொல்லடி!

பூக்களை எப்போது ஏமாற்றினாய்?

நீ தாவணியிட்டு வந்த நாளெல்லாம் என்னால் பூக்களை இரசிக்க முடியவில்லை. உன்மேல் கோபம் கொண்ட பூக்கள் என்னைத்தான் திட்டுகின்றன. மலரை எப்போது ஏமாற்றினாய்? ஏகபத்தினி விரதன் வேண்டி நீ இராமன் காண்கிறாய். சீதைக்குதானே தெரியும், இராமனின் சஞ்சலம். சீதைக்கும் எதிரி - நீ. நீ தூதுசென்ற காதல் எல்லாம் பாதி பிரிந்த கதை தெரியுமா? கானும் கண்கள் யாவும் - உன்னை கண்டு காதல் கொள்ளும் போதுமா? போகும் பாதை எங்கும் உன்னை கால்கள் தொடர்ந்து பிண்ணும். காலம் கடக்கும் கணங்கள் - உன்பால் காதல் வேண்டி நிற்கும்! நீ நடந்து கொண்டேயிரு. திரும்பிவிட்டால் - என் கவிதைகளும் கற்பனை முடங்கிவிடும். தொடர்ந்துவருவேன் - நான்

பூக்காரியின் பேரம் - கைச் சுண்டலின் காரம். இருக்கையின் ஓரம் நீ ஊட்டுகிறாய் காலையின் வேகம், சாலையின் தாகம், காதலின் தேகம் பட்டு - உன் காரம் இனிக்கிறது. இளம் Romeoவின் கல்லூரி Juliet - காதல் மறக்க உன் விரல் ஸ்பரித்து என் வெட்கம் பீறிடும் உன் அருகமையின் எதிர் என் சலனம் போரிடும் பலன் அறியேன்! விரல் கடித்து விளையாடும் சிறுவன் நான். வெட்கம் என்னை தின்னும் நேரம் - உன் பக்கம் நான் ஒளிந்து கொள்வேன் மிச்சம் ஒன்று இல்லை - என் இச்சை எங்கு செல்லும்?சொல்லடி. முத்தம் ஒன்று கொடுத்துவிட்டேன் - உன் சத்தம் எல்லாம் அடங்கிவிடும். நித்தம் உனக்கு வேண்டுமெனில் - மீண்டும் உன் விரல் கடித்து விளையாடுவேன்.

உயிரின் சுவாசம் !

உயிரின் சுவாசம் அறியாது உன் மேனி வாசம் புரியாது - என் உணர்வுகள் இங்கு இறந்துவிடும் காதல் அங்கு பிறந்துவிடும் காதல் இங்கு தொடங்கிவிடும் மனம் என்றும் தொடர் சடுகுடு விளையாடும் மோதல் இங்கே முடிந்துவிடும் - உயிரின் மோட்சம் இங்கே தொடங்கிவிடும். தூக்கம் ஏனோ தொலைந்துவிடும் துயரம் மட்டும் தொடர்ந்துவிடும். ஆற்றல் இங்கே சிதைந்துவிடும் ஆண்மை இங்கே அடங்கிவிடும் உயிரும் ஒரு நாள் ஓய்ந்துவிடும் திருநாள் வந்த ஒரு தலைக் காதல் பிரிந்துவிடும்..,

முத்ததின் ஈரம்

இட்ட முத்ததின் ஈரம் உலர்வதற்குள், தொட்ட விரலின் ஸ்பரிசம் உணர்வதற்குள், பேசும் விழியின் அர்த்தம் புரிவதற்குள், படரும் தேகம் தேடல் தெரிவதற்குள், பற்றும் கரங்கள் நேசம் கட்டுவதற்குள் கலைந்து போகிறது,இந்த பாழாய் போன கனவு.

கல்லூரி காதலியே.,

வெற்றுத்தாளாய் நானிருந்தேன் எண்ணங்கள் போலவே வண்ணங்களோடு விளையாடினாய். துரிகைகளை இன்று தொலைத்துவிட்டேன். எந்த வண்ணம் எந்த துரிகையோடது? வண்ணங்களும் தொய்ந்துகொண்டிருக்கின்றன., உனக்கு தெரியும் . உன் மடி மீது சாயாத நாட்கள் என் தூக்கத்தை இழந்திருப்பேன். என் தூக்கம் இனி எங்கு செல்லும்? பெண்கள் பல நீ அறிமுகம் செய்தாய். கண்களின் கனவாய் கலைந்துவிட்டனர். உன்னோடு நிரம்ப கிறுக்கியிருக்கேன். உணர்கிறேன் இன்று உனக்குமட்டுமில்லையென்று.,! ஆறுதல் தேடி நான் அலைந்துகொண்டிருக்கிறேன். மதிய வெயிலில் இளைப்பாறிய காட்டு முட்புதர்., பஞ்சு மெத்தையும் இனி பாரமாய் என் எதிர்., அடிக்கடி எழுதுய Apology., அறியவில்லை யாரும் என் psychology நீ ஒருத்தி மட்டுந்தான்., கொண்டாட்டங்களை பகிர்ந்து கொண்ட Canteen Slice., சோகங்களை சொல்லி யழுத அரசன் Wines., "இவன்கிட்ட பார்த்து இருங்க" புதிய HOD'யை அறிமுகபடுத்திய பழைய வ[ா]த்தியார்., பரிட்சைக்கு பணமின்றி பார்வை திருப்பிய போது பறிதவித்து கட்டிய பசுங்கயல்., பாடம் ஆனது பொயில்., பிட்டுத் தாளை கட்டாய் கொடுத்த முதல்வர் - அதையும் விட்டு விலகிய வெறுமை Arrear'ய் இன்னமும் DBMS.., வளைவு களை வரையச் சொல்லியதில் பெண்களின் சுழிவுகளை வரைந்த Drawing Hall., பெண்கள் விடுதிக்குள் நான் அடித்த Laser Torch., என்னிடமே அதுயாரென்று கேட்ட கலைArch., மயங்கிக் கொண்டாடிய ஆண்டு விழா இரவு., பாடிக் களாய்த்த மேடைப் பாட்டு.., அரண்டு போகச் செய்த அறை நண்பன் மரணம்., அதற்கும் ஆறுதல் தந்த உன் சரணம்., தோல்வியை எதிர்பார்த்து அழுகையில் தோழி சொன்ன ஆறுதல்., தோழியின் தோல்விக்கு நான் சொன்ன ஆறுதல்., என் வெற்றியின் சில தோல்விகள்., அப்பா வந்த நாளில் தப்பாமல் தந்த Beer., தோழிக்கு., மழைத்த பொழுதெல்லாம் அழைத்து குளித்த மொட்டை மாடிக் குளியல்., தூங்கும் முன் நேரம் பார்த்து உச் கொட்டிய காலை 6 மணி., மதுரை வந்தும் மல்லி மறந்தவனை தோழியடித்த மலர்க்கோபம்., திருடன் வந்த சாக்கில் எட்டிப் பார்த்த பெண்கள் விடுதி., கருடனாய் நான் வேண்டி அதன் கண்கள்., காதலின் Token'ஐ கடித்த Coffee-Day., அதையும் கடனுக்கு கொடுத்த Hi-Way., இடிந்த விடுதியில் நண்பன் கொண்ட காதல்., நானிருந்த காவல்., எங்களுக்கு விழுந்த நோதல்., கை தொடுகையில் அவள் கோபம்., பின்னொரு நாள் என் காதில் நுழைந்த சேலைநூல்., கண்ணில் தழுவிய சோலை புல்., எழுதிய என் காதல் கடிதங்கள் எனக்காய் திருத்திய HOD., கொண்ட தோர்கதிருற்காய்., வேண்டிய பிராத்தனை.., இன்னும் எத்தனை.எத்தனை., என் கல்லுரியே., - நீ என் காதலியே..,