ஒரு தேவதையின் கண்ணீர்

என் முன் ஒரு தேவதை அழுவதற்கு ஆயத்தமாகிறாள் அழகை இரசிப்பதற்கு நானும். இளம்தேவதைகள் என்றும் அழகு. இவள் இன்னமும். சிரிப்பதற்கு சொல்லாத காரணம் அழுவதற்கு என்ன தேடுவாள்? சுயநலம் கொண்ட என் கைக்குட்டை அவள் கண்ணீருக்கென காத்திருக்கும். வழிந்தோடும் கண்ணீரில் அவள் பெண்மை கொஞ்சி மிளிரும். சிரிக்கும் என் உதடு கண்டு பெண் சிணுங்கல் விம்மிப் பெருகும்., சிந்தும் கண்ணீரை - என் கைக்குட்டை சிறைகொண்டு உள்ளங்கையில் துள்ளும்! மு.கேசவன் 2008-09-25